Demanyana, asentada en un bankito debasho del arvole, la nona, mi granmama, con kaveyos frizados como la reyna Ester, mirava distraída la vida. Un ayre flosho meneava las ojas como una melodia. La natura paresiya estar avlando con eya.
El sol briyava en la sivdad, prometendo un diya kaente i umido (dezian “tiempo de la berendjena”).
Mi madre i la tiya, tante Carmelia, se kedavan en la kuzina i se metian de akordo sobre kualo se va gizar. Ensima de la meza, tomates, patatas, pimyentones, garvansos. Me akodri de lentejas. Mama me disho kon una sonriza en la kara: “Ke verguenza, ijiko! Lenteja no se giza lunes porke es diya de Sefer!” Konfuso yo entendiya el senso, ma no la sinyifikasion de la regula del mupak.
Al fin del pranso, komiendo um poko de fruta seka i bevyendo kafe, la nona murmuró unas reflexiones i arremató: “Kada dia no es frutas. Bendicho el Dio: estamos todos djuntos!”
Yo tenía 4 u 5 anyos i con el refrán en la kavesika, sin demandar a maman kualo keriya dezir, ambezaba del deredor para menguar la dolor de vida ke egsistia solamente en las kayes de la sivdad.