Oy me alevanti muy demprano. En la stasion del radio kantava Fortuna. Me plaze muncho los kantes ladino e romansas viejas. No es plazyente avlar de mis erensias ebreas (munchas personas no les plaze ke la djente sepan ke eyos son Djidios). No me plaze también eskrivir sobre akeias erensias (ni tengo enstrujksyon ebrea). Pero me alegro de pensar ke las tengo en el korasón. Mozotros fuimos aronjados de Portugal por el solo pekado de ser djidios (akeios eran dias difisiles mismo para los ke se alesharon del Djudaismo e savian muy poko la lingua ebrea). Pero kuando mas eskuro es la noche mas presto se amanese. Otros puevlos mos aresivieron. Ambezamos otras linguas i kostumbres. Konosimos djentes de todas las colores i de todas rasas i religiones i embezamos de muestro deredor (akodro del refran: “Mas saven las kashkas ke la muezes”). Mismo sin patria, kontinuamos a guadrar las usansas i savidurias de la kultura lusitana. Teniamos el priviledjio de ter nasido aya. Los antiguos kostumbres, grasias al Dio, kontinuavam a egzistir en el fundo de los korasones de los desandantes.
Demanyana me akodri de la ave Fénix de la mitolojia. Este pásharo biviya munchos anyos i kuando era la ora de murir asendia fuego i se echava al fuego. Después aboltava a la vida nasiendo de seniza i, siempre reushendo, kresia i kontemplava muevos i ermozos kampos de paseyos. Kreygo ke la Fénix bive en los korasones de mi famiya.
Ke kontinuemos a akodrar i a kontinuar muestra erensia. Selam!